Assalom-u alaykum, Mehmon!
Bosh sahifaga | Kirish | Ro΄yhatdan o΄tish
• Butsa.Uz - Futbol xabarlari
• UzOnline.Ru - Live natijalar!
• Dizayn guruhining yangi konserti
• Championat.In - Online translatsiya
Arda Turon Turkiya prezidentining qiziga uylandi
Unashtiruv marosimida Rajab Toyyib Erdo'g'on va uning rafiqasi Omina Erdo'g'on ham qatnashishdi. Mehmonlar orasida Arda va Aslixonning yaqinlari, do'stlari bor edi. Bu haqda turkiyalik futbolchi "Instagram"dagi sahifasida ma'lum qildi.

Arda va Aslixonning munosabatlari ikki yarim yillik tarixga ega. Nihoyat ular bir oila bo'lishdi. Ammo yoshlar dabdabali to'y qilishni istashmadi. Bunga Turkiya milliy terma jamoasi futbolchisi Suriyaning Afrin shahri hududida 2018-yilning 20-yanvaridan buyon davom etayotgan "Zaytun novdasi" harbiy operatsiyasidan aziyat chekayotganlar haqqi hurmati bois shunday qarorga kelishganini aytib o'tdi.

Arda Turon "Barselona"ga 2015-yilda 34 million yevro evaziga transfer qilingandi. Ammo kataloniyaliklar uchun debyut uchrashuvini olti oy kutishga majbur bo'ldi. Yangi yoshlarni tarkibga jalb qilishda noqonuniyliklarga aralashgani sababli klub FIFAning taqiqloviga duchor bo'lgan edi.

30 yoshli futbolchi katalon klubi safida 55 uchrashuvda maydonga tushdi. Transfer narxi va maoshini qo'shib hisoblaganda, klub futbolchiga har bir o'yini uchun 1 million yevro to'lagan.

Joriy mavsumda ko'k-anorranglilar libosida biror daqiqa ham o'ynamagan turkiyalik futbolchi "Barselona"dan "Istanbul" safiga kelib qo'shildi. Hozirgacha milliy chempionatda 5 o'yin o'tkazib, bitta gol muallifi bo'ldi.

Manba: www.stadion.uz
Qo`shdi: Dj.Max
Kiritilgan sana: 13.03.2018 / 15:46
Bosh sahifaga
© 2013-2018, Derbi.Uz™